Havadan lentə alınmış görüntülərdə Kaliforniyadakı məscid kompleksində baş verən silahlı hücum zamanı San-Dieqo İslam Mərkəzinin qabağına toplaşan xüsusi təyinatlı qruplar əks olunub. Polis üç nəfərin həyatını itirdiyini təsdiqləyib və hadisəni mümkün nifrət cinayəti kimi qiymətləndirdiklərini açıqlayıb. Silahlı hücumu törətməkdə şübhəli bilinən iki gənc daha sonra bir avtomobildə ölü olaraq tapılıb. Onların özlərinə atəş açaraq intihar etdikləri ehtimal olunur. ABŞ Prezidenti Donald Tramp silahlı hücumu “dəhşətli bir hadisə” adlandırıb. O, jurnalistlərə verdiyi açıqlamada deyib: “Mənə ilkin məlumatlar verilib, lakin biz bu hadisəni çox yaxından araşdıracağıq.”