Hindistan polisi çərşənbə günü müxalifət lideri Rahul Qandi və çox sayda deputatı iki gün ərzində üç dəfə saxlayıb. Qandi və deputatlar seçici siyahılarındakı mübahisəli dəyişikliyə görə Seçki Komissiyasının sədrinin istefasını tələb edən etiraz aksiyası keçirmişdilər.

"Indian Express" qəzetinin ötən ay Seçki Komissiyasının seçici siyahılarının yenilənməsi məsələsində fikir ayrılığı yaşadığını və bunun komissiyanın bitərəfliyinə dair narahatlıqları artırdığını yazmasından sonra müxalifət partiyaları, onların tələbə qolları Seçki Komissiyasının sədri Gyanesh Kumarın istefası tələbi ilə demək olar ki, hər gün nümayişlər keçirirlər.

Etiraz aksiyası ‘‘Konqres’’ partiyasının Yeni Dehlinin mərkəzindəki bir restoranda deputatlar üçün təşkil etdiyi nahar toplantısından sonra başlayıb. Həmin restoran səlahiyyətlilərin nümayişlərə icazə verdiyi "Cantar Mantar" (Jantar Mantar) ərazisinin yaxınlığında yerləşir.