Yeni Dehlidə “Bloomberg” tərəfindən təşkil edilən iqtisadi forumda çıxış edən Hindistanın Baş naziri Narendra Modi minlərlə dinc etirazçının həbs edildiyi və ifadə azadlığının məhdudlaşdırıldığı ittihamlarının mərkəzindəykən Hindistanı "demokratiyanın ana vətəni" kimi səciyyələndirib.

Mərkəzi qərargahı ABŞ-də yerləşən Jurnalistləri Müdafiə Komitəsinin (CPJ) məlumatına görө, hökumət əleyhinə etirazları işıqlandıran azı 35 media əməkdaşı da bu həftə sonu 48 saat ərzində saxlanılıb.

Yeni Dehlidə çoxsaylı etirazların qadağan edilməsinə və "Cockroach Janta Parti"nin “Instagram” səhifələrinə senzur tətbiq olunduğu iddialarına baxmayaraq, Modi ölkəsində sosial media daxil olmaqla "açıq müzakirələrin aparıldığını" irəli sürüb.

İnsan Haqları İzləmə Təşkilatı (HRW) oktyabrın 14-də yayımladığı hesabatda dinc etirazçılara qarşı təzyiq göstərmək üçün sui-istifadə halları ehtiva edən metodlardan istifadə edilməsini və həddindən artıq polis zorakılığı olaraq səciyyələndirdiyi vəziyyəti qınayıb.

Təşkilatın Asiya Direktoru Eleyn Pirson, "Modi hökuməti gənc etirazçıları həbs etməkdən imtina etməlidir. Bunun əvəzinə səsvermə hüququ və seçkilərin ədalətli olması ilə bağlı narahatlıqları aradan qaldırmaq üçün onlarla dialoq qurmalıdır" ifadələrini işlədib.