Qəzza şəhərinin cənub-şərqində məcburi köçkün düşmüş fələstinlilər pisləşən yaşayış şəraiti və İsrailin razılaşdırılmış atəşkəsi dəfələrlə pozmasına yönəlmiş artan qəzəbi əks etdirən etiraz aksiyası olaraq öz çadırlarını yandırıblar.

Etirazlar aprelin 30-da Zeytun məhəlləsində yerləşən “Dar əs-Salam” düşərgəsində “Onlar bizi yandırmadan, biz öz çadırlarımızı yandırırıq” şüarı altında keçirilib. Aksiyada uşaqlar da daxil olmaqla onlarla düşərgə sakini təcili müdafiə çağırışı edib.

Aksiya iştirakçıları su və əsas ehtiyac mallarında ciddi çatışmazlığı əsas gətirərək düşərgəni İsrail atəşindən qorumaq üçün torpaqdan baryerlərin inşa edilməsini və əsas humanitar yardımın təmin olunmasını tələb ediblər.

İştirakçılardan biri olan məcburi köçkün Əsma Arhim deyib: “Bu çadırlar artıq təhlükəsizlik və ya ləyaqətli həyat təmin etmir.” O, həmçinin çadırların yandırılmasını qəzəbin simvolik ifadəsi olduğunu qeyd edib.