İran mediasının yaydığı məlumata görə, aprelin 7-də ölkənin şimal və qərb bölgələrində yerləşən hava limanları, eləcə də bir sıra strateji obyektlər hava hücumlarına məruz qalıb. Paytaxt Tehran və Qum şəhərlərində güclü partlayışlar qeydə alınıb. Hədəf alınan obyektlər arasında qərbdəki Xorrəmabad və şimaldakı Mehrabad hava limanları kimi mühüm infrastruktur obyektləri yer alıb.

İranın "IRIB" telekanalı gecə saatlarında paytaxtın Tehranpars və Səadət Abad kimi yaşayış məntəqələrinin də zərbələrə məruz qaldığını bildirib.

Hücumlar nəticəsində Hakim şossesi yaxınlığındakı elektrik stansiyasına və Molavi rayonundakı ticarət obyektlərinə ciddi ziyan dəyib. ,

Məlumatlara görə, hədəf alınan bölgələr arasında Tehranın Engelab rayonundakı sinaqoq da var. Yerli rəsmilər Qum yaxınlığında və Yəzd şəhərində də müəyyən ərazilərin vurulduğunu, nəticədə infrastrukturun zərər gördüyünü təsdiqləyiblər.