Minlərlə nümayişçi Qəzzada İsrailin soyqırıma başlamağının üçüncü ildönümü münasibətilə təşkil edilən "Fələstin üçün Milli Yürüş"də iştirak edib. Aksiyanın iştirakçıları Fələstin bayraqları qaldıraraq və "İsrailə silah verilməsini dayandırın" yazılmış şüarlar daşıyaraq Londonun mərkəzində yürüş keçiblər. Onlar Birləşmiş Krallıqdan İsrailə qarşı sanksiyaların tətbiq olunmasını və tam silah ambarqosunun qoyulmasını tələb ediblər.

Həmin vaxtı yaxınlıqda daha kiçikmiqyaslı İsrail tərəfdarları tərəfindən də əks-aksiya keçirilib. Polis hər iki nümayişə müəyyən məhdudiyyətlər tətbiq edib.