Türkiyə Respublikası Xarici İşlər Nazirliyi Şimali Kipr Türk Respublikasını (ŞKTR) quruluşunun 43-cü ildönümü münasibəti ilə təbrik edib. Nazirlik bildirib ki, ŞKTR böyük türk millətinin ayrılmaz hissəsi olan Kipr türklərinin öz suverenliklərindən və azadlıqlarından heç vaxt imtina etmədiklərinin və etməyəcəklərinin sübutudur.
Nazirlik bu barədə "NSosyal" hesabında etdiyi paylaşımda bildirib.
Paylaşımda deyilir: "Kipr türk xalqının suverenlik və varoluş dastanının ən mənalı rəmzi olan Şimali Kipr Türk Respublikasının quruluşunun 43-cü ildönümü mübarək olsun! Şimali Kipr Türk Respublikası böyük türk millətinin ayrılmaz hissəsi olan Kipr türklərinin öz suverenliklərindən və azadlıqlarından heç vaxt imtina etmədiklərinin və etməyəcəklərinin sübutudur."
Ana vətən və qarant ölkə Türkiyənin güclü dəstəyi ilə Kipr türk xalqının əbədi olaraq şanlı bayrağı altında, öz vətənlərində azadlıq və təhlükəsizlik şəraitində yaşamağa davam edəcəyinin vurğulandığı paylaşımda deyilib:
"Bu qürurlu gündə mərhum Dr. Fazıl Küçükü və ŞKTR-nin qurucu Prezidenti mərhum Rauf Raif Denktaşı minnətdarlıq və hörmətlə yad edirik. Bu mübarizə yolunda şəhid olan əsgərlərimizi və mücahidlərimizi rəhmətlə, qazilərimizi isə minnətlə anırıq."























