Kiyev şəhərinin meri Vitali Kliçko gecə saatlarında həyata keçirilən hücumun bir metro stansiyasını, 25 mərtəbəli binanı və bir tibb müəssisəsini hədəf aldığını, hadisə nəticəsində üç nəfərin yaralandığını açıqlayıb.
Kiyev şəhərinin meri Vitali Kliçko "Telegram" üzərindən verdiyi açıqlamada Rusiyanın gecə saatlarında Ukraynanın paytaxtı Kiyevə təşkil etdiyi hava hücumunda bir qadının həyatını itirdiyini, paytaxtın sol sahilindəki metro stansiyasının vurulduğunu və 25 mərtəbəli binanın zərər çəkdiyini bildirib.
Kliçko hücumda yaşayış təyinatlı olmayan binaların və tibb müəssisəsinin də hədəf alındığını, həmçinin üç nəfərin yaralandığını qeyd edib.
"Reuters"ə danışan şahid şəhərdə partlayış səsləri eşidildiyini bildirib.
Ukrayna Prezidenti Volodimir Zelenski ABŞ-nin Rusiyanın dalğalar halinde buraxdığı sürətli raketlərə qarşı xəbərdarlıq edilməsini təmin edən kritik kəşfiyyat mübadiləsinə qısa fasilədən sonra yenidən başladıqlarını elan edib.
Zelenski ABŞ administrasiyasının müharibəyə son qoymaq üçün razılaşmaya vasitəçilik etməyə çalışdığı bir vaxtda ayın əvvəlində Kiyevə səfər edən ABŞ-nin sülh elçiləri Stiv Vitkoff və Cared Kuşner ilə görüşüb.
