Türkiyə Respublikasının Xarici İşlər Nazirliyi ana vətənləri Axıskadan sürgün edilmələrinin 82-ci ildönümü münasibətilə Axıska türklərini yad edib.

Nazirlikdən verilən yazılı açıqlamada 1944-cü il noyabrın 14-də təxminən 100 min Axıska türkünün Gürcüstanın Axıska bölgəsindəki ana vətənlərindən Sovet İttifaqının ucqar bölgələrinə sürgün edildiyi xatırladılıb. Nazirlik tərəfindən verilən açıqlamada deyilir:

"Sürgün zamanı minlərlə Axıska türkü həlak olub. Sağ qalanlar isə çətin şərtlərə baxmayaraq, öz kimliklərini, dillərini, adət-ənənələrini qoruyaraq gələcək nəsillərə ötürməyə nail olublar. Sürgünün 82-ci ildönümündə Axıska türklərinin yaşadığı əzabı bir daha ürəkdən bölüşür, həlak olan qardaşlarımızı rəhmətlə yad edirik".

Açıqlamada Türkiyənin Axıska türklərinin ana vətənlərinə qayıdış prosesini yaxından izləməyə və soydaşlarının yanında olmağa davam edəcəyi vurğulanıb.