Qəzzada mindən çox partlayıcı qurğu aşkar edilib. Birləşmiş Millətlər Təşkilatının Humanitar İşlərin Koordinasiyası Ofisi (OCHA) hərbi hücumların fələstinliləri təhlükə altına qoyduğunu və humanitar ehtiyacları dərinləşdirdiyini bildirib.
BMT Baş katibinin sözçüsünün müavini Fərhan Haq jurnalistlərə açıqlamasında deyib: “Birləşmiş Millətlər Təşkilatının Humanitar İşlərin Koordinasiyası Ofisi (OCHA) Qəzzada hərbi hücumların fələstinliləri təhlükə altına almağa və humanitar ehtiyacları daha da artırmağa davam etdiyi barədə xəbərdarlıq edir.” O əlavə edib ki, təhlükəsizlik üzrə tərəfdaşlar avqustun 7-dən bəri çoxsaylı analoji hadisələr qeydə alıblar və bunlardan bir neçəsinin mülki şəxslər arasında itkilərlə nəticələndiyi bildirilir.
Fərhan Haq OCHA-nın beynəlxalq humanitar hüquq çərçivəsində mülki şəxslərin və mülki infrastruktura aid obyektlərin qorunmasının vacibliyini bir daha diqqətə çatdırdığını vurğulayıb.
Digər tərəfdən, Haqq bildirib ki, Qəzzada partlayıcı təhlükələrlə mübarizə aparan humanitar yardım qrupları 2023-cü ilin oktyabr ayında münaqişə başlayan vaxtdan bəri regionda 1000-dən çox partlayıcı sursat müəyyən ediblər. O, bu fəaliyyətlərin dağıntıların təmizlənməsinə, vacib infrastruktur obyektlərinə çıxışın təmin olunmasına, həmçinin su və sanitariya sistemlərinin bərpasına töhfə verdiyini qeyd edib:
“Humanitar tərəfdaşlar həyat qurtaran bu xidmətləri genişləndirmək, uşaqlar və humanitar işçilər də daxil olmaqla mülki şəxslərin üzləşdiyi riskləri azaltmaq üçün Qəzzaya daha geniş zəruri ləvazimatların və ixtisaslaşdırılmış avadanlıqların çatdırılmasının vacibliyini vurğulayırlar.”
2023-cü ilin oktyabr ayından bəri 73 mindən çox fələstinlinin ölümünə və 174 mindən çox insanın yaralanmasına səbəb olan İsrailin soyqırımı müharibəsini dayandırmaq üçün Qəzzada atəşkəs razılaşması əldə edilib.
İsrailin soyqırımı müharibəsi bölgədəki mülki infrastruktura 90 faiz dərəcəsində zərər vuraraq kütləvi dağıntılara gətirib çıxarıb. BMT-nin hesablamalarına görə, regionun yenidən qurulması xərcləri təxminən 70 milyard dollar təşkil edir.
