BMT-nin Baş katibi Antonio Quterreş neft və qaz şirkətlərinin sürətlə artan gəlirlərini "mənəvi cəhətdən qəbuledilməz" adlandırıb. O, hökumətləri enerji nəhənglərinin qazancını deyil, öz vətəndaşlarının maraqlarını üstün tutmağa çağırıb.
Türkiyənin Antalya şəhərində keçirilən COP31 sammiti çərçivəsində müsahibə verən A. Quterreş doqquz böyük enerji şirkətinin qiymət artımları hesabına bir rübdə 95 milyard dollar mənfəət əldə etməsini "absurd" adlandırıb. Baş katib adi insanların istilik və yanacaq xərclərini ödəməkdə çətinlik çəkdiyi bir dövrdə bunun baş verməsini tənqid edib.
Sammit çərçivəsində nazirlər səviyyəsində keçirilən dəyirmi masada çıxış edən Böyük Britaniyanın energetika naziri Ed Miliband isə dünyanı iqlim böhranını təcili olaraq qlobal təhlükəsizlik məsələsi kimi qəbul etməyə və bu mövzunu beynəlxalq gündəmdə ön sıraya çıxarmağa çağırıb.
İran Prezidenti Məsud Pezeşkian isə sammit zamanı dünya liderləri ilə keçirdiyi görüşləri konstruktiv adlandırıb. İran dövlət televiziyasına (IRIB) açıqlama verən M. Pezeşkian bu təmasların Tehranın mövqeyini izah etmək və beynəlxalq əməkdaşlığı genişləndirmək baxımından mühüm fürsət yaratdığını bildirib.
