Prezident Rəcəb Tayyib Ərdoğan deyib: “Türkiyə Qəzza və Livanda mülki şəxsləri qətlə yetirən “soyqırımı şəbəkələrinə” qarşı bəşəriyyətin ortaq dəyərlərini müdafiə etməyə davam edəcək.

İzmirdə keçirilən “EFES – 2026” təlimi birgə, müştərək və canlı atəşli taktiki təlimində çıxış edən Ərdoğan vurğulayıb ki, gələcəklə bağlı bədbin ssenarilərin yazıldığı bir vaxtda rəsmi Ankara xüsusilə regional sülh sahəsində olmaqla, hər bir sahədə ölkəni əsas bir aktor kimi mövqeləndirmək üçün cəhd göstərir.

Dövlə başçısı onu da deyib ki, Türkiyə olaraq müharibə və xaosa sərmayə qoyanlara qarşı sülh və sabitliyin tərəfdarı olmağa davam edəcəyik.