İsrail ordusunun 2023-cü ilin oktyabr ayından bəri Qəzza zolağına təşkil etdiyi hücumlarda qətlə yetirilənlərin sayı 73 min 399-a yüksəlib.

Qəzza Səhiyyə Nazirliyindən verilən yazılı açıqlamada İsrailin Qəzzaya yönəlik hücumlarında qeydə alınan insan tələfatı ilə bağlı son məlumatlar paylaşılıb.

Açıqlamada son 48 saat ərzində Qəzzadakı xəstəxanalara 5 meyit və 18 yaralının gətirildiyi bildirilib. Meyitlərdən ikisinin yeni hücumlar nəticəsində həlak olanlara, üçünün isə dağıntılar altından çıxarılanlara aid olduğu qeyd edilib.

Qəzzada atəşkəsin qüvvəyə mindiyi 10 oktyabr 2025-ci ildən bəri İsrail qüvvələrinin hücumları nəticəsində 1.265 nəfər həlak olub, 4.198 şəxs yaralanıb. Dağıntılar altından isə 813 nəfərin cəsədi çıxarılıb.

İsrailin 2023-cü ilin oktyabrından bu yana Qəzza zolağında törətdiyi soyqırım nəticəsində 73 min 399 qəzzalı qətlə yetirilib, yaralı sayının isə 174 min 310-a yüksəldiyi bildirilib.

Qəzza zolağında dağıntılar altında hələ də minlərlə cəsədin olduğu vurğulanır.