Türkiyə Xarici İşlər Nazirliyi Kolumbiyada baş verən güclü zəlzələ ilə bağlı bəyanat yayıb.
Bəyanatda bu ifadələrə yer verilib: "Zəlzələ nəticəsində həyatını itirənlərin ailələrinə və dost Kolumbiya xalqına başsağlığı verir, yaralananlara şəfa diləyirik".
Bəyanatda həmçinin qeyd olunub ki, Türkiyənin Kolumbiyadakı səfirliyi ölkədəki Türkiyə vətəndaşları ilə mütəmadi əlaqə saxlayır və onların vəziyyətini diqqətlə izləyir.
ABŞ Geoloji Xidmətinin (USGS) məlumatına görə, 7,4 bal gücündə olan zəlzələnin episentri Kolumbiyanın qərbindəki San Xose del Palmar şəhərindən 5 kilometr şərqdə, ocağı isə 107 kilometr dərinlikdə yerləşib.
Məlumata görə, təbii fəlakət nəticəsində həyatını itirənlərin sayı artıq 132 nəfərə çatıb.
