Türkiyə Respublikasının Xarici İşlər Nazirliyinin verdiyi məlumata görə, Hakan Fidan iranlı və pakistanlı həmkarları ilə ayrı-ayrılıqda telefon danışıqları aparıb.

Bildirilib ki, aprelin 26-da nazir Hakan Fidan, Abbas Əraqçi və İshaq Dar arasında keçirilən görüşlərdə İran ilə Amerika Birləşmiş Ştatları (ABŞ) arasındakı danışıqlar prosesində baş verən son hadisələr müzakirə olunub.

Xəbər verildiyi kimi, ABŞ ilə İran arasında danışıqların ilk raundu iki həftə əvvəl İslamabadda baş tutsa da, razılaşma əldə olunmayıb.

Qeyd olunur ki, danışıqlar Pakistanın 8 aprel tarixində vasitəçilik etdiyi iki həftəlik atəşkəsdən sonra keçirilib və həmin atəşkəsin müddəti daha sonra ABŞ prezidenti Donald Tramp tərəfindən uzadılıb.