"Doğa Koleji"nin İsparta filialının şagirdi Zeynep Elif Altınkeser Almaniyanın paytaxtı Berlində təşkil olunan “Eynşteyn Olimpiadası”nda riyaziyyat üzrə dünya birincisi olub. O, təbiət elmləri üzrə isə dünya altıncısı adını qazanıb.

Məktəbdən verilən açıqlamaya görə, 7-ci sinif şagirdi Z.E.Altınkeser 40-dan çox ölkədən yüzlərlə şagirdin iştirakı ilə 26-30 oktyabr tarixlərində keçirilən yarışda əldə etdiyi iki fərqli dərəcə ilə Türkiyəni beynəlxalq arenada qürurlandırıb.