SAHA İstanbul İdarə Heyətinin sədri Haluk Bayraktar verdiyi açıqlamada “SAHA Expo 2026” Beynəlxalq Müdafiə, Aviasiya, Kosmik Sənaye Sərgisinin ilk üç günündə Türkiyə şirkətlərinin təxminən 8 milyar dollarlıq ixrac müqaviləsi imzaladığını bildirib.

Bayraktar "X" platformasında etdiyi paylaşımda deyib: “Bu qürur mənzərəsini ortaya qoyan bütün SAHA İstanbul üzvlərimizi qəlbən təbrik edirəm. “SAHA Expo 2026” sərgisində ölkə olaraq tarixi rekorda imza atdıq”.

Türkiyə firmaları 5-9 may tarixləri arasında İstanbul Expo Mərkəzində keçirilən “SAHA Expo 2026” sərgisində ən yeni və ən təkmil məhsullarını nümayiş etdirirlər. Tədbir Türkiyə və Avropanın ən böyük müdafiə, aviasiya və kosmos sənayesi qrupu tərəfindən təşkil olunur.

TEI-nin baş direktoru Türkiyənin aviasiya mühərriki sahəsindəki genişlənməsi fonunda ixrac artımını hədəfləyir

"Türkiyənin Aviasiya ve Kosmik Sənayesi" (TEI) şirkətinin baş direktoru Mahmut Faruk Akşit bildirib ki, şirkət qlobal aviasiya təchizat zəncirindəki rolunu genişləndirməklə yanaşı, yerli mühərrik potensialını inkişaf etdirmək səylərini də sürətləndirib.

İstanbuldakı SAHA beynəlxalq müdafiə sərgisində “Anadolu” agentliyinə danışan Mahmut Faruk Akşit TEI-nin aviasiya sənayesində iki rol üzərinə götürdüyünü qeyd edib: Türkiyə üçün kritik mühərrik texnologiyaları istehsal etmək və hissə və modul istehsalı vasitəsilə beynəlxalq aviasiya mühərriki proqramlarını dəstəkləmək.

Akşit əsas fəaliyyət sahələrindən birinin hissə və modul istehsalı olduğunu və TEI-nin ixracatının sabit şəkildə artdığını vurğulayıb.

O, ötən il ixracatlarının yarım milyar dollara yaxınlaşdığını və bu hissələrin hamısının 50-dən çox müxtəlif mühərrik proqramında istifadə edildiyini diqqətə çatdırıb.