"Axios"un mövzu ilə bağlı məlumatı olan mənbələrə istinadən verdiyi xəbərə görə, ABŞ prezidenti Donald Tramp bu gün (30 aprel 2026) CENTCOM (ABŞ Mərkəzi Komandanlığı) komandanı admiral Bred Kuper və Baş Qərargah rəisi general Den Keyndən İrana qarşı mümkün hərbi əməliyyat üçün yeni planlar haqqında brifinq alacaq.
"Axios"un xəbərinə görə, təqdim olunacaq seçimlər arasında İranın "infrastrukturuna yönəlmiş qısa və güclü hücum dalğası", ticari dəniz gəmiçiliyinin bərpası üçün "Hörmüz boğazının bir hissəsinin ələ keçirilməsinə dair əməliyyat" və İranın yüksək dərəcədə "zənginləşdirilmiş uran ehtiyatının təhlükəsizliyini təmin etmək üçün xüsusi təyinatlıların missiyası" yer alır.
Tramp aprelin 29-da "Axios"a verdiyi açıqlamada mövcud dəniz blokadasını əsas kozır kimi gördüyünü bildirib, lakin danışıqlarda irəliləyiş olmasa, hərbi əməliyyatın da masada olacağını qeyd edib.
Ağ Ev isə mövzu ilə bağlı şərh tələblərinə cavab verməyib.
